மடபூஷிய அனந்தசயனம் அய்யங்கர்HSs Nn Uu Mm Rr P Ffv K V Tdg
| மடபூஷிய அனந்தசயனம் அய்யங்கர் | |
|---|---|
| இரண்டாவது இந்திய மக்களவைத் தலைவர் | |
| பதவியில் மார்ச் 8, 1956 – ஏப்ரல் 16, 1962 | |
| துணை | சர்தார் ஹுக்கம் சிங் |
| முன்னவர் | கணேஷ் வாசுதேவ மாவ்லங்கர் |
| பின்வந்தவர் | சர்தார் ஹுக்கம் சிங் |
| இந்திய நாடாளுமன்ற உறுப்பினர், திருப்பதி மக்களவைத் தொகுதி | |
| பதவியில் 1951–1962 | |
| முன்னவர் | இல்லை |
| பின்வந்தவர் | சி. தாஸ் |
| தனிநபர் தகவல் | |
| பிறப்பு | பிப்பிரவரி 4, 1891 திருச்சானூர், சித்தூர் மாவட்டம், ஆந்திரப் பிரதேசம் |
| இறப்பு | மார்ச்சு 19, 1978 (அகவை 87) |
| தேசியம் | இந்தியர் |
| அரசியல் கட்சி | இந்திய தேசிய காங்கிரசு |
| வாழ்க்கை துணைவர்(கள்) | சூடம்மாள் |
| தொழில் | அரசியல்வாதி |
| சமயம் | இந்து சமயம் |
எம். அனந்தசயனம் அய்யங்கர் அல்லது எம். ஏ. அய்யங்கார் (Madabhushi Ananthasayanam Ayyangar அல்லது M. A. Ayyangar; 4 பிப்ரவரி 1891 - 19 மார்ச் 1978) இந்திய நாடாளுமன்றத்தில் முதல் துணை சபாநாயகராகவும், பின்னர் சபாநாயகராகவும் இருந்தார். பின்பு அவர் பீகாரின் ஆளுநராக இருந்தார்.
பொருளடக்கம்
- 1 பிறப்பும் குடும்பமும்
- 2 பணி
- 3 சிறப்பு
- 4 மேற்கோள்கள்
- 5 வெளி இணைப்புகள்
பிறப்பும் குடும்பமும்[தொகு]
அவர் சென்னை மாகாணத்தின் சித்தூர் மாவட்டத்தில் உள்ள திருச்சானூர் கிராமத்தில் 4 பெப்ரவரி 1891 அன்று பிறந்தார். அவரது தந்தை எம். வேங்கடவராதாச்சாரியார் ஆவார். அய்யங்கார் 1919 ஆம் ஆண்டில் சூடம்மாள் என்பவரைத் திருமணம் செய்து கொண்டார்; அவருக்கு நான்கு மகன்கள் மற்றும் எட்டு மகள்கள் இருந்தனர்.[1]
பணி[தொகு]
அவர் கணித ஆசிரியராகப் பணிபுரிந்தார். பின்னர் 1915 -1950 க்கு இடையில் ஒரு வழக்கறிஞரானார். மகாத்மா காந்தியினால் ஈர்க்கப்பட்ட அவர், இந்திய சுதந்திரப் போராட்டத்தில் தீவிரமாகப் பங்கேற்றார்; இரண்டு ஆண்டுகள் சிறையில் அடைக்கப்பட்டார்.
அவர் 1934 ஆம் ஆண்டு மத்திய சட்டமன்ற உறுப்பினராக தேர்ந்தெடுக்கப்பட்டார். திருப்பதியிலிருந்து முதல் மக்களவைக்கும், 1952 மற்றும் 1956 ஆம் ஆண்டு சித்தூர் தொகுதிகளிலிருந்து இரண்டாவது மக்களவைக்கும் தேர்ந்தெடுக்கப்பட்டார். 1948 ஆம் ஆண்டு மக்களவையின் துணைச் சபாநாயகராக கணேஷ் வாசுதேவ் மாவ்லாக்கர் சபாநாயகராக தேர்ந்தெடுக்கப்பட்டார். 1956 இல் மாவ்லாங்கர் இறந்த பிறகு, இவர் மக்களவை சபாநாயகராக தேர்ந்தெடுக்கப்பட்டார். 1962 மற்றும் 1967 ஆம் ஆண்டுகளில் பீகாரின் ஆளுநராகப் பணியாற்றினார்.
சிறப்பு[தொகு]
இவருடைய வெண்கல சிலையானது 2007 இல் இவரது சொந்த ஊரான திருப்பதியில் நிறுவப்பட்டது.[2]
மேற்கோள்கள்[தொகு]
- ↑ "Members bioprofile on Lok Sabha website". தேசியத் தகவல் மையம் (இந்தியா), New Delhi and மக்களவை (இந்தியா). பார்த்த நாள் 24 April 2013.
- ↑ The Hindu : National : Ananthasayanam Ayyangar statue to be unveiled
வெளி இணைப்புகள்[தொகு]
- A short biography