Denver Nuggetshe_cea_inonsrt 0; orgngh
'Sto artìcoło el 'é scrito doparando ła grafìa dita DECA
|
I Denver Nuggets i ze una de łe trenta scuadre che łe zoga inte ła NBA, nasùa inte'l 1967 co'l nome de Denver Larks.
Storia de ła scuadra[canbia | canbia el còdexe]
I primi ani inte ła ABA no i ze stài mìa fàsiłi, sindo da poco deventài na scuadra, ma dopo el pasajo inte ła NBA inte'l 1976 i ga vùo un per de stajon bone grasie a i zogadori Alex English e Ernest “Kiki” Vandeweghe, prima parò de cascar de novo in defigoltà i primi ani Noanta cuando che l'ałenador Doug Moe el ze stà vendùo. El só rinpiaso, Paul Westhead, el gavéa un stiłe de zogo bazà so canestri vełosi e sensa partegołari schemi, e come conseguensa i Nuggets i ciapava pì ponti de cuełi che i senjava. A ze da dir che tuti i ani Noanta i ze stài tribołài par łori anca par via de i problemi de i só paroni: no vendo fato boni investimenti econòmeghi A no ghe jera schei par el marcà, e łora A no podeva mìa rivar zogadori àbiłi a vìnsar calcosa.
Inte'l draft de'l 2003 i Nuggets i ga cronpà el zóvane Carmelo Anthony e, i ani dopo, J.R. Smith, Allen Iverson, Chauncey Billups e Marcus Canby: tuti pian pian i ga portà boni rezultadi, anca se mai un canpionado, ma i ga dato un bon nome a ła scuadra.
Inte’l 2011 vendendo Anthony i ga cronpà el itałian Danilo Gallinari, che pian pian el ze rivà a deventar el capitan de i Nuggets ‘vendo al so fianco i vari Dwight Howard, Andre Iguodala, Ty Lawson, Evan Fournier. Inte ‘sti ùltemi ani i ze drìo afermarse come una de łe medio bone scuadre, e st’ano 2017 A ze sciopà ła gran braura de’l sentro Nikola Jokic, destinà co l’ajuto de i conpanji a deventar, infortuni parmetendo, un òtemo zogador.